✅ Шүүхийн шийдвэр гүйцэтгэх ерөнхий газрын харьяа 407 дугаар нээлттэй, хаалттай хорих анги нь Дарь-Эхийн нэгдсэн эмнэлэгтэй хамтран ажиллан өнөөдрөөс (2023.12.04) эхлэн 5 өдрийн хугацаанд алба хаагчдыг эрүүл мэндийн урьдчилан сэргийлэх үзлэгт хамруулах ажлыг эхлүүллээ.
✅Тус үзлэгийн үеэр цусны ерөнхий шинжилгээ, зүрхний цахилгаан бичлэг, хэвлийн ЭХО үзлэгийг хийж, нарийн мэргэжлийн эмчийн үзлэгт хамруулах бөгөөд шинжилгээний хариуг үндэслэн эмчлүүлэх шаардлагатай алба хаагчдын эмчилгээг Дарь-Эхийн нэгдсэн эмнэлэг хариуцан зохион байгуулахаар боллоо.
✅ Мөн нарийн мэргэжлийн эмнэлэгт шүдний болон эмэгтэйчүүдийн үзлэг, шинжилгээнд хамрагдах юм.
✅Алба хаагчдын эрүүл мэндийн байдалд мэргэжлийн дэмжлэг үзүүлэн оролцож буй Дарь-Эх нэгдсэн эмнэлгийн удирдлага, хамт олонд талархал илэрхийлье.
