Шүүхийн шийдвэр гүйцэтгэх байгууллагын алба хаагчдын дунд жил бүр уламжлал болгон зохион байгуулдаг хотын “А” бүсийн аварга шалгаруулах “Спортын 6 төрөлт тэмцээн”-д 407 дугаар нээлттэй, хаалттай хорих анги, Баривчлах байрны алба хаагчид дараах амжилтыг гарган оролцлоо. Үүнд: Спортын ганцаарчилсан төрөл буюу туухай өргөлтийн (+65,-65 кг) эмэгтэй жинд тус бүр 1 дүгээр байр алтан медаль, дартс шидэлтийн эрэгтэй, эмэгтэй төрөлд тус бүр 2 дугаар байр мөнгөн медаль, шатрын төрөлд эмэгтэй 2 дугаар байр мөнгөн медаль, ширээний теннисний төрөлд эмэгтэй 2 дугаар байр мөнгөн медалиар шагнуулсан амжилтыг гаргасан бол багийн спортын сагсан бөмбөгийн төрөлд эрэгтэй баг тамирчид 1 дүгээр байр алтан медаль, эмэгтэй тамирчид гар бөмбөг болон сагсан бөмбөгийн төрөлд тус тус 3 дугаар байр эзэлж хүрэл медалиар шагнагдсан юм.Энэ үеэр сагсан бөмбөгийн төрөлд шилдэг тоглогчоор дэд ахлагч Э.Сумъяа шалгарлаа.Хотын А бүсийн Спортын 6 төрөлт тэмцээний нийлбэр дүнгээр 407 дугаар нээлттэй, хаалттай хорих анги, Баривчлах байрны хамтарсан баг “Гуравдугаар” байр эзэлсэн амжилттай оролцож шигшээ тэмцээнд оролцох эрхээ авлаа.
