Баянзүрх дүүргийн 21 дүгээр хорооны засаг даргын нэрэмжит гар бөмбөгийн тэмцээн 2023 оны 04 дүгээр сарын 15-ны өдөр амжилттай зохион байгуулагдлаа. Тэмцээнд Баянзүрх дүүргийн 21 дүгээр хороонд үйл ажиллагаа явуулдаг төрийн байгууллага болон аж ахуй нэгж, жижиг дунд үйлдвэрлэгчдээс бүрдсэн 11 баг авхаалж самбаа, хурд хүчээ сорин уралдлаа. Уг тэмцээн нь цаашид уламжлал болгон зохион байгуулагдахаар төлөвлөгдөж, 2023 оны шилжин явах цомын эзнээр 407 дугаар нээлттэй, хаалттай хорих анги шалгарч нэгдүгээр байр эзэлж, алтан медаль, шилжин явах цомоор шагнагдлаа.
